உலக நன்மைக்காக திருவாடுதுறை கோமூக்தீஸ்வரர் கோவிலில் 10 ஆயிரம் தேங்காய்களை உடைத்து வழிபாடு நடத்தப்பட்டது.
மயிலாடுதுறை மாவட்டத்தில் உள்ள குத்தாலம் அருகே இருக்கும் திருவாவடுதுறை ஆதீனத்திற்கு சொந்தமாக கோமுக்தீஸ்வரர் கோவில் இருக்கின்றது. உலக நன்மைக்காகவும் உலகில் கொரோனா நோய் தொற்று முற்றிலுமாக நீங்க வேண்டியும் தேவார பாடல் பெற்ற இக்கோவிலில் நேற்று வழிபாடு நடத்தப்பட்டது.
முன்னதாக ஆடி பிறப்பையொட்டி கோவிலில் ருத்ர அபிஷேகம், தியாகராஜர் அபிஷேகம், திருமூலர் பிறப்பு அபிஷேகம் உள்ளிட்டவை நடைபெற்றது. இதைத்தொடர்ந்து வரசித்தி விநாயகர் கோவிலில் வழிபாடு நடத்தப்பட்ட பொழுது கோவில் வளாகத்தில் பத்தாயிரம் தேங்காய்கள் உடைக்கப்பட்டது. இதில் ஏராளமான பக்தர்கள் கலந்து கொண்டு சாமி தரிசனம் செய்தார்கள்.