பாகிஸ்தானில் வெளிநாட்டில் மட்டுமின்றி உள்நாடுகளிலும் பயங்கரவாத தாக்குதல் தொடர்ந்து வருகிறது.
பயங்கரவாதிகளின் சொர்க்கபுரியாக பாகிஸ்தான் இருந்து வருகிறது. இதில் தலிபான், அல் கொய்தா உள்ளிட்ட ஏராளமான பயங்கரவாத அமைப்புகள் உள் நாடுகளிலும் தங்களது ஆதிக்கத்தை செலுத்தி வருகின்றன. இந்தவித அமைப்புகள் பயங்கரவாதத்தை வெளிநாடுகளில் மட்டுமல்லாமல் உள்நாடுகளிலும் தங்களது தாக்குதலை தொடருகின்றனர். இந்நிலையில் பாகிஸ்தானின் தெற்கு வாஜிரிஸ்தான் மாவட்டத்தில் வடமேற்கு பகுதியின் எல்லையில் பயங்கரவாதிகளின் தாக்கம் இருப்பதாக ராணுவ வீரர்களுக்கு தகவல்கள் கிடைத்துள்ளது.
இதனால் அங்கு விரைந்து சென்ற ராணுவ வீரர்கள் தீவிர தேடுதல் வேட்டையில் ஈடுபட்டனர். அப்பொழுது ஒரு குறிப்பிட்ட இடத்தை ராணுவவீரர்கள் நெருங்கிய நிலையில், அங்கு பதுங்கியிருந்த பயங்கரவாத குழுவின் அமைப்பினர் ராணுவ வீரர்கள் மீது சரமாரியாக துப்பாக்கியால் சுட்டனர். இதனால் ராணுவ வீரர்களில் 3 பேர் சம்பவ இடத்திலேயே பலியாகினர். மேலும் 4 ராணுவ வீரர்கள் படுகாயமடைந்தனர்.
பிறகு அந்த பயங்கரவாத அமைப்பினர் அந்த இடத்தில் இருந்து தப்பி ஓடினர். மேலும் தாக்குதல் நடந்த இடத்தை முற்றுகையிட்டு அந்த இடத்தில் பல்வேறு ராணுவ வீரர்கள் குவிக்கப்பட்டு பயங்கரவாத அமைப்பினை தேடும் தீவிர பணியில் ஈடுபட்டுள்ளனர். இருந்தபோதிலும் உடனடியாக எந்த ஒரு பயங்கரவாத அமைப்பும் இந்த தாக்குதலுக்கு பொறுப்பேற்கவில்லை என்பது குறிப்பிடத்தக்கது.