தமிழ்நாட்டில் நடைபெற உள்ள ஒன்பது மாவட்டங்களில் ஊரக உள்ளாட்சி தேர்தலுக்கான இட ஒதுக்கீட்டு அரசாணையை தமிழ்நாடு அரசு வெளியிட்டுள்ளது.
தமிழகத்தில் உள்ளாட்சி தேர்தல் நடக்க உள்ள மாவட்டங்களான செங்கல்பட்டு கள்ளக்குறிச்சி உள்ளிட்ட ஒன்பது மாவட்டங்களில் மாவட்ட ஊராட்சி குழு தலைவர் மற்றும் ஊராட்சி ஒன்றிய குழுத்தலைவர், ஊராட்சி மன்ற தலைவர் பதவிக்கான இட ஒதுக்கீடு பட்டியலை மாநில தேர்தல் ஆணையம் வெளியிட்டுள்ளது. அதன்படி தென்காசி, ராயப்பேட்டை மாவட்ட ஊராட்சி தலைவர் பதவி பொதுப்பிரிவு பெண்களுக்கும், நெல்லை, வேலூர், விழுப்புரம், காஞ்சி, திருப்பத்தூர் மாவட்ட ஊராட்சி தலைவர் பதவி பொது பிரிவினருக்கும் ஒதுக்கீடு செய்யப்பட்டுள்ளது. செங்கல்பட்டு, கள்ளக்குறிச்சி பட்டியலின பிரிவு பெண்களுக்கு ஒதுக்கீடு செய்யப்பட்டு அரசாணை வெளியிடப்பட்டுள்ளது.