மும்பை அந்தேரியைச் சேர்ந்த 86 வயது முதியவருக்குக் கடந்த மாதம் 28ஆம் தேதி புதிய நம்பரிலிருந்து வீடியோ கால் அழைப்பு ஒன்று வந்தது. அதில் பெண் ஒருவர் நிர்வாணமாக பேசியுள்ளார். பின்னர் அந்தப் பெண் வீடியோ காலை ரெகார்ட் செய்துகொண்டு 3 லட்சம் தர வேண்டும் என்று கூறி முதியவரை மிரட்டினார். முதியவரும் வேறு வழியில்லாமல் 2.99 லட்சத்தை அனுப்பிவைத்தார். பிறகு இது குறித்து முதியவர் அளித்த புகாரின் அடிப்படையில் போலீஸார் வழக்கு பதிவுசெய்து விசாரித்து வருகின்றனர்.
இதே போன்று மும்பையைச் சேர்ந்த மற்றொரு முதியவருக்கும் இதே முறையில் மர்மப் பெண்ணிடமிருந்து நிர்வாண வீடியோ கால் வந்தது. முதியவர் போனை எடுத்துப் பேசியபோது அதைப் பதிவு செய்து, பணம் கேட்டு மிரட்டினார். முதியவரும் அந்தப் பெண்ணுக்கு ரூ.64 ஆயிரம் ஆன்லைன் மூலம் அனுப்பிவைத்தார். இது குறித்து அவரும் போலீஸில் புகார் செய்திருக்கிறார். இரண்டு முதியவர்களிடமும் மோசடி செய்தது ஒரே பெண்தானா என்பது குறித்து போலீசார் விசாரித்துவருகின்றனர்.