பெண்கள் குளிப்பதை மறைந்திருந்து பார்த்த நண்பர்களை காவல்துறையினர் கைது செய்தனர்.
விழுப்புரம் மாவட்டத்தில் உள்ள பரிக்கல்ப்பட்டு கிராமத்தில் சேகர் என்பவர் வசித்து வருகிறார். இவருக்கு நவீன் அரசு என்ற மகன் உள்ளார். இவரும் அதே ஊரில் வசிக்கும் செல்லபாண்டியன் என்பவரும் அப்பகுதியில் இருக்கும் மரத்தில் ஊஞ்சல் கட்டி ஆடுவது வழக்கம். இந்நிலையில் நண்பர்கள் இருவரும் அதே பகுதியில் வசிக்கும் 47 வயதுடைய பெண், அவரின் மருமகள் ஆகிய 2 பேரும் குளியலறைக்கு சென்று குளிப்பதை மறைந்திருந்து எட்டிப் பார்த்துள்ளனர். மேலும் வாலிபர்கள் சினிமா பாட்டுகளை பாடுவது, சிறு சிறு கற்களை எடுத்து வீசி அடிப்பது போன்று ரகளையில் ஈடுபட்டுள்ளனர்.
இதனை தட்டிக்கேட்ட பெண்களை தகாத வார்த்தைகளால் திட்டியதோடு, நீங்கள் குளிப்பதை வீடியோவாக படம்பிடித்து வைத்துள்ளோம். அதனை சமூக வளைதளத்தில் வெளியிடுவோம் என கூறியுள்ளனர். இதுகுறித்து பாதிக்கப்பட்ட பெண்கள் காவல்நிலையத்தில் புகார் அளித்துள்ளனர். அந்த புகாரின் பேரில் வழக்குப்பதிவு செய்த காவல்துறையினர் நவீன் அரசு மற்றும் செல்லபாண்டியன் ஆகிய இருவரையும் கைது செய்து சிறையில் அடைத்தனர்.