நாடு முழுவதும் கொரோனா பரவலை கட்டுப்படுத்த மத்திய மற்றும் மாநில அரசுகள் பல்வேறு நடவடிக்கைகளை மேற்கொண்டு வருகின்றன. அதன் முக்கிய பகுதியாக பெரும்பாலான மாநிலங்களில் முழு ஊரடங்கு அமலில் உள்ளது. சில மாநிலங்களில் கொரோனா பாதிப்பு குறைந்து வந்தாலும், கொரோனா முழுமையாகக் கட்டுக்குள் வரும் வரை ஊரடங்கு தொடரும் என மாநில அரசுகள் தெரிவித்து வருகிறது. அதன்படி சில தளர்வுகள் அளிக்கப்பட்டு ஊரடங்கு நீட்டிக்கப்பட்டு வருகிறது.
இந்நிலையில் புதுச்சேரியில் புதிய தளர்வுகளுடன் கூடிய ஊரடங்கு ஜூலை 31-ஆம் தேதி வரை நீட்டித்து மாநில அரசு அறிவித்துள்ளது. இதில் சுற்றுலா பயணிகள் அதிகம் கூட புதிய படகு குழாம் உள்ளிட்ட சுற்றுலாத் தலங்கள் 50% நபர்களுடன் மட்டுமே அனுமதி வழங்கப்படும் என்று அறிவித்து உள்ளது. ஏற்கனவே இருக்கும் தளர்வுகள் அனைத்தும் தொடரும் என தெரிவித்துள்ளது.