தமிழகத்தில் தொடர்ச்சியாக ஊரடங்கு அமல்படுத்தப்பட்டு வருவதால் பாதிப்பு சற்று குறைந்து வருகிறது. இதனால் ஊரடங்கில் தளர்வுகள் அளிக்கப்பட்டு வருகிறது. அந்தவகையில் இன்றுடன் முடிவடைந்த ஊரடங்கை கூடுதல் தளர்வுகளுடன் செப்-6 ஆம் தேதி வரை நீட்டித்து தமிழக அரசு உத்தரவிட்டுள்ளது.
இந்நிலையில் நீலகிரி மாவட்டம் உதகையில் தாவரவியல் பூங்கா, சிம்ஸ் பூங்கா, படகு இல்லம், பைக்காரா படகு இல்லம் உள்ளிட்டவை இன்று முதல் திறக்கப்படுவதாக மாவட்ட நிர்வாகம் அறிவித்துள்ளது. மேலும் லேம்ஸ்ராக், டால்பினோஸ், முதுமலை உள்ளிட்ட பகுதிகளில் சுற்றுலா தலங்களை திறப்பது பற்றி பின்னர் அறிவிக்கப்படும் என்றும் தெரிவித்துள்ளது.