தமிழகம் முழுவதும் கொரோனா பரவலை கட்டுப்படுத்த ஊரடங்கு அமலில் உள்ளது. அதில் பாதிப்பு அதிகம் உள்ள மாவட்டங்களில் ஒரு சில தளர்வுகள் எஞ்சிய மாவட்டங்களில் கூடுதல் தளர்வுகள் வழங்கப்பட்டன. அதன்பிறகு கொரோனா பாதிப்பு கணிசமாக குறைந்ததால் அனைத்து மாவட்டங்களிலும் ஒரே மாதிரியான தளர்வுகள் அறிவிக்கப்பட்டு ஊரடங்கு மீண்டும் ஜூலை 19 வரை நீட்டிக்கப்பட்டுள்ளது.
இந்நிலையில் சென்னையில் ஊரடங்கு தளர்வு காரணமாக மெட்ரோ ரயில்கள் இன்று முதல் காலை 5.30 மணி முதல் இரவு 10 மணி வரை இயக்கப்படும் என மெட்ரோ நிர்வாகம் அறிவித்துள்ளது. நெரிசல் மிகுந்த நேரங்களில் காலை 8 மணி முதல் 11 மணி வரையும், மாலை 5 மணி முதல் இரவு 8 மணி வரையும் இயக்கப்படும். ஞாயிறு மற்றும் அரசு விடுமுறை நாட்களிலும் காலை 7 மணி முதல் இரவு 9 மணி வரை இயக்கப்படும் என கூறப்பட்டுள்ளது.