தமிழகத்தில் கொரோனா மற்றும் அதன் உருமாறிய தொற்றான ஒமைக்ரான் பரவல் அதிகரித்து வருவதால், அதனை கட்டுப்படுத்தும் விதமாக அரசு முதல் கட்டமாக இரவு ஊரடங்கை அமல்படுத்தியுள்ளது. அதாவது இரவு 10 மணி முதல் அதிகாலை 5 மணி வரை இந்த இரவு ஊரடங்கு அமலில் இருக்கும் என்று தெரிவிக்கப்பட்டுள்ளது. அதுமட்டுமல்லாமல் ஞாயிற்றுக்கிழமை முழு ஊரடங்கு அமல்படுத்தப்பட்டுள்ளது. மேலும் பல்வேறு கட்டுப்பாடுகளை அமல்படுத்த தமிழக அரசு உத்தரவிட்டு உள்ளது.
ஆனால் டாஸ்மாக் கடைகளுக்கு மட்டும் எவ்வித கட்டுப்பாடுகளும் அறிவிக்கப்படாமல் இருந்தது. இந்நிலையில் தமிழகம் முழுவதும் முழு ஊரடங்கான இன்று டாஸ்மாக் கடைகள் அனைத்தும் மூடப்படும் என்று தமிழக அரசு அறிவித்துள்ளது. இந்நிலையில் தமிழகத்தில் நேற்று ஒரே நாளில் 217.96 கோடி ரூபாய்க்கு மது விற்பனை ஆகியுள்ளது. இன்று ஞாயிறு முழு ஊரடங்கையொட்டி நேற்று அதிகமான விற்பனை ஆகியுள்ளதாக டாஸ்மாக் நிர்வாகம் தெரிவித்துள்ளது.