வீட்டின் பூட்டை உடைத்து 4 லட்ச ரூபாய் பணத்தை திருடி சென்ற மர்ம நபர்களை காவல்துறையினர் தீவிரமாக தேடி வருகின்றனர்.
விருதுநகர் மாவட்டத்தில் உள்ள வ .உ. சி. நகரில் மாரியப்பன் என்பவர் வசித்து வருகிறார். இவர் கடந்த 5-ஆம் தேதி வீட்டை பூட்டி விட்டு தனது குடும்பத்தினருடன் எஸ்.வி. நத்தத்தில் உள்ள தனது உறவினர் வீட்டிற்கு சென்றுவிட்டார். இந்நிலையில் நேற்று திரும்பி வந்து மாரியப்பன் மற்றும் அவரது குடும்பத்தினர் வீட்டின் கதவு உடைக்கப்பட்டு இருந்ததை கண்டு அதிர்ச்சி அடைந்தனர்.
அதன்பின்னர் உள்ளே சென்று பார்த்தபோது லாக்கரில் வைக்கப்பட்டிருந்த 4 லட்சம் ரூபாய் பணத்தை மர்ம நபர்கள் திருடிச்சென்றது தெரியவந்தது. இதுகுறித்து மாரியப்பன் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் பணத்தை திருடிய மர்ம நபர்கள் குறித்து தீவிர விசாரணை மேற்கொண்டு வருகின்றனர்.