பீரோவை உடைத்து திருடி சென்ற மர்மநபர்களை காவல்துறையினர் தீவிரமாக தேடிவருகின்றனர்.
கன்னியாகுமரி மாவட்டத்திலுள்ள வாணியங்குடி பகுதியில் மீனவரான ஆண்டனிபாபு என்பவர் வசித்துவருகிறார். இவர் கேரளாவில் விசைப்படகு வைத்து மீன்பிடித்தொழில் செய்து வந்த நிலையில் தனது சொந்த ஊரான வணியங்குடி கிராமத்திற்கு ஆண்டனி தனது குடும்பத்தினருடன் சென்றுள்ளார்.
கிராமத்தில் நடந்த குருசடி திருவிழாக்கு சென்றுள்ளனர். இந்நிலையில் வீட்டின் பின்பக்க கதவு உடைக்கப்பட்டு இருந்ததை கண்டு ஆண்டனி பாபு அதிர்ச்சி அடைந்தார். அதன் பின் உள்ளே சென்று பார்த்த போது லாக்கரில் இருந்த 82 3/4 பவுன் தங்க நகைகள் காணாமல் போனதை கண்டு குடும்பத்தினர் அதிர்ச்சியடைந்தனர். இதுக்குறித்து ஆண்டனி பாபு குளச்சல் காவல் நிலையத்தில் புகார் அளித்தனர். அந்த புகாரின் பேரில் வழக்குப்பதிவு செய்த காவல்துறையினர் துணை சூப்பிரண்டு தங்கராமன் தலைமையில் தனிப்படை அமைத்து குற்றவாளிகளை தீவிரமாக தேடிவருகின்றனர்.