ஆதி மற்றும் நிக்கி கல்ராணி அவர்களின் நிச்சயதார்த்த புகைப்படங்களை சமூக வலைதளத்தில் பகிர்ந்திருக்கின்றனர்.
தமிழ் சினிமா உலகின் பிரபலங்களான ஆதி மற்றும் நிக்கி கல்ராணி மரகத நாணயம் மற்றும் யாகவராயினும் நாகாக்க உள்ளிட்ட இரண்டு திரைப்படங்களில் இணைந்து நடித்த போது அவர்களுக்குள் காதல் மலர்ந்த நிலையில், கூடிய விரைவில் திருமணம் செய்து கொள்ளப் போவதாக தகவல் வந்து கொண்டிருந்தன.
இந்நிலையில் ஆதி மற்றும் நிக்கி கல்ராணி தங்களின் இணையதளப்பக்கங்களில் தங்களின் நிச்சயதார்த்த புகைப்படங்கள் பகிர்ந்ததோடு கடந்த 24ம் தேதி தங்களின் நிச்சயதார்த்தம் நடந்ததாக குறிப்பிட்டிருக்கின்றனர். மேலும் இந்நிகழ்ச்சியில் இருவீட்டாரின் குடும்பத்தினரும் கலந்து கொண்டதாக கூறியுள்ளனர். சினிமாவில் ரீல் ஜோடியாக நடிக்க ஆரம்பித்த இவர்கள் தற்போது ரியல் ஜோடியாக மாறியுள்ள நிலையில் அனைவரும் வாழ்த்துக்களை தெரிவித்து வருகின்றனர்.