ஏ தில் கே முஸ்கில்’ படத்தை தொடர்ந்து ஆலியாபாட், ரன்பீர் கபூர் இணைந்து நடிக்கும் படம் பிரமாஸ்திரா.இயக்குனர் அயன் முகர்ஜி இயக்கியுள்ள இப்படத்தில் அமிதாப் பச்சன், நாகர்ஜூனா ஆகியோர் முக்கிய கதாபாத்திரங்களில் நடித்துள்ளனர். ஸ்டார் ஸ்டுடியோஸ் நிறுவனமும், கரண் ஜோகரின் தர்மா புரொடக்ஷன் நிறுவனமும் தயாரித்துள்ள இப்படம் ஹிந்தி, தமிழ் தெலுங்கு மலையாளம் கன்னடம் உள்ளிட்ட பல மொழிகளில் வெளியாகவுள்ளது. மூன்று பாகங்களாக உருவாகும் இந்தப் படத்தின் முதல் பாகம் வருகிற செப்டம்பர் 9 -ஆம் தேதி திரையரங்குகளில் வெளியாகிறது.
சமீபத்தில் இந்தப் படத்தின் வெளியான டிரைலர் சமூக வலைதளத்தில் ரசிகர்களின் மத்தியில் அதிக வரவேற்பை பெற்றது. இந்நிலையில் இப்படத்தில் தமிழ் பதிப்பில் இடம் பெற்றுள்ள “தீத்திரியாய் மூலமா” என்ற பாடலை ஆலியாபாட் வெளியிட்டுள்ளார். இது குறித்து தமிழில் பதிவிட்டுள்ள ஆலியாபாட், “எங்க காதலோட ஓசை இப்போ உங்களுக்கு கேட்கும் தீத்திரியாய் மூலமா! என்று பதிவிட்டுள்ளார். இந்தப் பாடல் மதன் கார்க்கி வரிகளில் சித்ஸ்ரீராம் குரலில் வெளியாகி உள்ளது. இந்த பாடல் சமூக வலைதளத்தில் வைரலாக வருகிறது.