தனது தனிப்பட்ட உதவியாளர் கைது செய்யப்படுவதால் எடப்பாடிபழனிசாமி அதிர்ச்சியில் உறைந்துள்ளார் என்று கூறுகின்றனர்.
அதிமுக ஆட்சியில் நடைபெற்ற அத்தனை ஊழல்களையும் தாங்கள் ஆட்சிக்கு வந்த பிறகு வெளிக்கொண்டு வருவோம் என்று மு க ஸ்டாலின் கூறியிருந்தார். திமுக ஆட்சி அமைத்த போது தொற்று அதிகமாக இருந்ததால் அவற்றை கட்டுப்படுத்தும் முயற்சியில் ஈடுபட்டிருந்தனர். இதுதொடர்பாக நடவடிக்கை எடுக்கப்படவில்லை. ஆனால் விஜயபாஸ்கர் ,எஸ் பி வேலுமணி, வீரமணி, சி விஜயபாஸ்கர் ஆகிய முன்னாள் அமைச்சர்கள் வீடுகளில் லஞ்ச ஒழிப்பு துறையினர் சோதனை மேற்கொண்டு வழக்கு பதிவு செய்தனர். அடுத்தடுத்து விசாரணை நடத்தப்பட்டதால் அதிமுகவினர் பெரும் அதிர்ச்சியடைந்தனர்.
இந்நிலையில் எடப்பாடி பழனிசாமியின் நெருங்கிய நண்பரான இளங்கோவனுக்கு சொந்தமான இடங்களில் ரெய்டு நடத்தப்பட்டது. இதனால் எடப்பாடி பழனிச்சாமி ஒருபக்கம் ஆடிப்போனார். ஏற்கனவே கொலை வழக்கு, கொள்ளை வழக்கில் சிக்க வைக்க சதி செய்வதாக கூறி வந்த நிலையில் தற்போது அவரது உதவியாளர் மணி கைது செய்யப்பட்டு சிறையில் வைத்துள்ளதால் பெரும் அதிர்ச்சியில் உறைந்துள்ளார். அரசு வேலை வாங்கித் தருவதாக கூறி பலரிடம் ஏமாற்றி பணத்தை பெற்று வந்துள்ளார் மணி. இதனால் மணி மற்றும் அவரது நண்பர்கள் செல்வகுமார் ஆகியோர் மீது வேலை வாங்கி தருவதாக கூறி பணம் பெறுதல் ஏமாற்றுதல் ஆகிய பிரிவுகளின் கீழ் வழக்குப்பதிவு செய்து காவல்துறையினர் கைது செய்தனர். எடப்பாடி பழனிச்சாமி பற்றிய அனைத்து ரகசியங்களும் மணிக்கு தெரியும் என்பதால் எடப்பாடி பெரும் அதிர்ச்சியில் உறைந்துள்ளார் என்று அரசியல் வட்டாரங்கள் தெரிவித்து வருகின்றனர்.