விஜய் நடிப்பில் வெளியான பகவதி திரைப்படத்தின் மூலமாக திரையுலகில் அறிமுகமானவர் ஜெய். இதனை அடுத்து சென்னை 28, சுப்ரமணியபுரம், எங்கேயும் எப்போதும், கலகலப்பு 2 என பல்வேறு ஹிட் படங்களில் நடித்து தமிழ் திரையுலகில் தனக்கென ஒரு இடத்தை பிடித்துள்ளார். தற்போது இயக்குனர் எஸ் கே வெற்றிச்செல்வன் இயக்கத்தில் நடிகர் ஜெய் நடித்திருக்கின்ற படம் எண்ணித்துணிக.
இந்த படத்தில் ஜெய்க்கு ஜோடியாக அதுல்யா நடித்திருக்கின்றார். வில்லனாக வம்சி கிருஷ்ணா நடித்துள்ளார். மேலும் இந்த படத்திற்கு சான்ஸ் இசையமைத்திருக்கிறார். இந்த படம் ஆகஸ்ட் 4ஆம் தேதி திரையரங்குகளில் வெளியாக இருக்கின்ற நிலையில் இந்த படத்தின் புதிய அப்டேட் வெளியாகியிருக்கிறது. அதன்படி இந்த படத்தில் என்னடியே வீடியோ பாடல் நாளை காலை 11:30 மணிக்கு வெளியாகும் என படக்குழு போஸ்டர் ஒன்றை வெளியிட்டு அறிவித்துள்ளது.