“எதற்கும் துணிந்தவன் படத்திற்கு எழுந்த நெகட்டிவ் விமர்சனம்”…. பாண்டிராஜ் ஓபன் டாக்…!!!

சூர்யாவின் எதற்கும் துணிந்தவன் திரைப்படத்திற்கு எழுந்த நெகட்டிவ் விமர்சனம் பற்றி பேசியுள்ளார் இயக்குனர் பாண்டிராஜ்.

தமிழ் சினிமா உலகில் பிரபல நடிகரான சூர்யாவை வைத்து பாண்டிராஜ் இயக்கிய திரைப்படம் எதற்கும் துணிந்தவன். அண்மையில் வெளியாகிய இத்திரைப்படத்தை சன் பிக்சர்ஸ் தயாரிக்க கதாநாயகியாக பிரியா அருள்மோகன் நடித்திருந்தார். மேலும் முக்கிய வேடங்களில் சத்யராஜ், திவ்யா, வினய், சரண்யா பொன்வண்ணன், இளவரசு, சுப்பு பஞ்சு, தேவதர்ஷினி உள்ளிட்ட பலர் நடித்திருந்தனர். இத்திரைப்படமானது ரிலீஸாகி ரசிகர்களிடையே நல்ல வரவேற்பையும் சில நெகட்டிவ் விமர்சனங்களையும் பெற்றிருக்கின்றது.

இந்நிலையில் இந்த படத்திற்கு நெகட்டிவ் விமர்சனம் பற்றி இயக்குனர் பாண்டியராஜ் பேசும்போது கூறியுள்ளதாவது, “எதற்கும் துணிந்தவன் திரைப்படமானது என்னுடைய வாழ்க்கையில் மிக முக்கியமான திரைப்படம் ஆகும். இது போன்ற ஒரு கதையில் சூர்யா துணிச்சலாக நடித்ததற்கு நாம் அனைவரும் பெருமைப்பட வேண்டும். எல்லாத் திரைப்படங்களையும் எல்லா தரப்பினரையும் திருப்திபடுத்துவதில்லை. அது முடியவும் முடியாது. ஒவ்வொருவரும் ஒவ்வொரு விதமான ரசனையை கொண்டிருப்பார்கள். என்னுடைய திரைப்படங்கள் குடும்ப ரசிகர்களுக்கு பிடித்ததாக இருக்கும்” என்று கூறியுள்ளார்.