இரண்டு கார் எதிர் ஏதிரே மோதி விபத்தில் 3 பேர் காயம் அடைந்த சம்பவம் பரபரப்பை ஏற்படுத்தியுள்ளது.
தஞ்சாவூர் மாவட்டத்தில் உள்ள பட்டுக்கோட்டை பகுதியில் பால மணிகண்டன் என்பவர் வசித்து வருகிறார். இவர் தனது நண்பரான மதன்ராஜ் என்பவருடன் சேர்ந்து பத்துபுலிவிடுதி பிரிவு சாலையில் காரில் வந்து கொண்டிருந்தார். அப்போது அவ்வழியாக ராஜா என்பவர் ஓட்டி வந்த கார் நிலைதடுமாறி பாலமணிகண்டனின் கார் மீது மோதியது.
இந்த விபத்தில் படுகாயமடைந்த மதன்ராஜ், பால மணிகண்டன், ராஜா ஆகிய 3 பேரையும் அருகில் இருந்தவர்கள் மீட்டு சிகிச்சைக்காக அரசு மருத்துவமனையில் அனுமதித்துள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.