சர்ப்ரைஸ் கொடுப்பதாக கூறி வாலிபரை கொலை செய்ய முயற்சி செய்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
ஆந்திர மாநிலம் அனகா பள்ளியை சேர்ந்த பெண் புஷ்பா. கல்லூரி மாணவியான இவருக்கு அதே பகுதியை சேர்ந்த ராமகிருஷ்ணா என்ற வாலிபருடன் திருமணம் நிச்சயம் செய்யப்பட்டிருக்கிறது. இந்த நிலையில் திருமணத்தை முன்னிட்டு சர்ப்ரைஸ் கொடுப்பதாக கூறி ராமகிருஷ்ணாவை அந்தப்பெண் மலை பகுதிக்கு அழைத்துச் சென்றிருக்கிறார். அப்போது கிப்ட் கொடுப்பதாக கூறிய அவர் கண்களை தனது துப்பட்டாவால் கட்டியிருக்கிறார்.
அதன் பின் தான் மறைத்து வைத்திருந்த கத்தியை எடுத்து ராமகிருஷ்ணனின் கழுத்தில் குத்தி கொலை செய்ய முயற்சி செய்திருக்கிறார். இதில் ரத்த வெள்ளத்தில் கீழே விழுந்த ராமகிருஷ்ணன் வலியால் கதறியுள்ளார். இதனைப் பார்த்து மனம் வருந்திய புஷ்பா உடனடியாக அவரை மீட்டு அருகே இருந்த மருத்துவமனையில் சிகிச்சைக்காக சேர்த்திருக்கிறார். அப்போது மருத்துவர்களிடம் மலைப்பகுதியில் செல்லும்போது அவர் கீழே விழுந்ததால் காயம் ஏற்பட்டுள்ளதாக தெரிவித்துள்ளார். ஆனால் அவரது பேச்சில் நம்பிக்கை இல்லாத மருத்துவர்கள் உடனடியாக போலீசாருக்கு தகவல் கொடுத்துள்ளனர்.
இதன் பின் அங்கு வந்த போலீசார் புஷ்பா விசாரணை செய்தபோது அவருக்கு ராமகிருஷ்ணனை திருமணம் செய்துகொள்ள விருப்பம் இல்லாததால் அவரை கொலை செய்ய முயற்சி செய்ததாக வாக்குமூலம் கொடுத்து இருக்கிறார். இதனையடுத்து போலீசார் புஷ்பாவை கைது செய்துள்ளனர். இந்த சம்பவம் அந்த பகுதியில் பெரும் அதிர்ச்சியை ஏற்படுத்தியுள்ளது.