தமிழில் கேடி பில்லா கில்லாடி ரங்கா என்ற திரைப்படத்தின் மூலமாக கதாநாயகியாக அறிமுகமானவர் ரெஜினா கசாண்ட்ரா. தெலுங்கில் அதிக படங்களில் நடித்த முன்னணி நடிகையாக வலம் வருகிறார். தற்போது தமிழில் மூன்று படங்களிலும், தெலுங்கில் மூன்று படங்களிலும் நடித்து வருகிறார். விரைவில் திருமணம் செய்து கொள்ள இருப்பதாக தகவல் வெளியாகி உள்ளது. இதற்கு விளக்கம் அளித்து ரெஜினா அளித்துள்ள பேட்டியில் தெரிவித்துள்ளதாவது: “2020ல் எனது காதல் முறிந்து போனது.
அதிலிருந்து விடுபட கொஞ்சம் நாள் எடுத்துக் கொண்டேன். இப்போது யாரையும் காதலிக்கவில்லை திருமணம் பற்றி பேச்சை எடுக்கவே மாட்டேன். வாழ்க்கையில் திருமணம் செய்து கொள்வேனோ? இல்லையோ? என்பது எனக்கே தெரியவில்லை. ஏனென்றால் சிறு வயது முதல் தனது காலில் சுயமாக வாழ்வது எப்படி என்பது பற்றி என் அம்மா என்னை பழக்கப்படுத்தி வைத்துள்ளார். என் வாழ்க்கையில் யாராவது வேண்டுமா? வேண்டாமா? என்பது குறித்து யோசிக்க மாட்டேன். இப்போதைக்கு நான் செய்த படங்கள் எல்லாமே எனக்கு மிகவும் பிடித்தவை தான்” என்று கூறினார்.