ஆடு மேய்க்கும் தொழிலாளியை நண்பர் தலையில் கல்லை போட்டு கொலை செய்த சம்பவம் பரபரப்பை ஏற்படுத்தியுள்ளது.
கோயம்புத்தூர் மாவட்டத்தில் உள்ள நாதேகவுண்டன்புதூர் பகுதியில் ஆடு மேய்க்கும் தொழிலாளியான நடராஜன் என்பவர் வசித்து வந்துள்ளார். இவர் அப்பகுதியில் இருக்கும் ஒரு தோட்டத்தில் உடலில் ரத்த காயங்களுடன் இறந்து கிடந்துள்ளார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று நடராஜனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் நடராஜனின் நண்பரான குமாரசாமி என்பவரை பிடித்து விசாரித்துள்ளனர். அந்த விசாரணையில் திடுக்கிடும் தகவல் தெரியவந்துள்ளது.
அதாவது பொங்கல் பண்டிகையை முன்னிட்டு நடராஜனும், குமாரசாமியும் ஒன்றாக அமர்ந்து மது குடித்துள்ளனர். இதனையடுத்து போதை அதிகமானதும் நடராஜன் குமாரசாமியின் மனைவியை அவதூறாக பேசி உல்லாசத்திற்கு அனுப்பி வைக்குமாறு கூறியுள்ளார். இதனால் ஏற்பட்ட தகராறில் கோபமடைந்த குமாரசாமி நடராஜனின் தலையில் கல்லை போட்டு கொலை செய்தது தெரியவந்துள்ளது.