புதுக்கோட்டை மாவட்டம் ஆலங்குடி அருகே உள்ள வடகாடு பாபன்மனையை சேர்ந்தவர் இளமுருகன். இவருக்கு கடந்த இரண்டு ஆண்டுகளுக்கு முன்னர் வடகாடு பகுதியை சேர்ந்த ராதா என்பவருடன் திருமணம் நடைபெற்றது. இவர்களுக்கு ஒரு பெண் குழந்தையும் உள்ளது . சில நாட்களுக்கு முன்பு கணவன் மனைவி இருவருக்கும் ஏற்பட்ட கருத்து வேறுபாடு காரணமாக ராதா கோபத்துடன் தன் தாய் வீட்டிற்குசென்றுவிட்டார் .
இந்நிலையில் இளமுருகன் ராதாவை தன்னுடன் சேர்ந்து வாழ வருமாறு அழைத்ததற்கு ராதா மறுப்பு தெரிவித்துள்ளார். இதனால் சோகம் அடைந்த இளமுருகன் வீட்டில் இருந்த பூச்சிக்கொல்லி மருந்தை குடித்து தற்கொலை செய்து கொண்டார். இதுகுறித்து தகவலறிந்த போலீஸார் சம்பவ இடத்திற்கு சென்று இளமுருகனின் உடலை பிரேத பரிசோதனைக்காக அரசு மருத்துவமனைக்கு அனுப்பி வைத்ததோடு வழக்கு பதிவு செய்து விசாரணை நடத்தி வருகின்றனர்.
