விஜய் நடிப்பில் வெளியான பீஸ்ட் திரைப்படம் கலவையான விமர்சனங்களை பெற்று வருகிறது. என்னதான் எதிர்மறையான விமர்சனங்கள் படத்திற்கு கிடைத்தாலும் வசூலில் அடித்து நொறுக்கி வருகிறது. படம் வெளியான இரண்டே நாளில் 100 கோடி ரூபாய் வசூல் செய்து சாதனை படைத்திருக்கிறது. இந்த நிலையில் விஜய் தற்போது இயக்கத்தின் தளபதி 66 படத்தில் நடித்து வருகிறார். சமீபத்தில் இப்படத்தின் படப்பிடிப்பு பூஜையுடன் தொடங்கியது. மேலும் இந்த படத்தில் கதாநாயகியாக ராஷ்மிகா நடிக்க தமன் இசை அமைக்கிறார்.
இதனை தொடர்ந்து தளபதி 66 படத்தில் சரத்குமார் நடிக்கிறார். இந்த படத்தில் விஜய்க்கு அப்பாவாக சரத்குமார் நடிப்பதாக தகவல்கள் வெளியாகியிருக்கிறது. இந்த நிலையில் தற்போது மேலும் ஒரு தகவல் தளபதி 66 படத்தைப் பற்றி வந்து இருக்கிறது. அதாவது 80 களில் பிரபல நாயகனாக வலம் வந்த மோகன் இந்த படத்தில் நடிப்பதாக பேசப்பட்டு வருகிறது. 80களில் ரஜினி மற்றும் கமலுக்கு இணையான வெற்றிப்படங்களை கொடுத்து வந்தவர் மோகன். அனைவருக்கும் பிடித்த ஹீரோவாக மோகன் தற்போது ஹரா என்ற படத்தில் நடித்து வருகின்றார். இந்த நிலையில் தற்போது தளபதி 66 படத்தில் விஜயுடன் மோகன் நடிப்பதாக வந்த தகவல் அனைவரையும் எதிர்பார்ப்பில் ஆழ்த்தியுள்ளது.