ஆசிய கோப்பை டி20 போட்டியில் ஆப்கானிஸ்தான் அணிக்கு எதிரான ஆட்டத்தில் விராட்கோலி சதமடித்தார். இந்த நிலையில் பிசிசிஐ தலைவர் கங்குலியுடன், விராட் கோலியின் ஆக்ரோஷமான ஆட்டத்தை ஒப்பீட்டு செய்து செய்தியாளர்கள் கேள்வியெழுப்பினர். இதற்கு கங்குலி அளித்துள்ள பதிலில் “ஒரு வீரரின் திறமையின் அடிப்படையில் ஒப்பீடு இருக்க வேண்டும். விராட்கோலி என்னைவிட திறமையானவர் என நான் கருதுகிறேன்.
நாங்கள் வெவ்வேறு தலைமுறைகளில் கிரிக்கெட்விளையாடி இருக்கிறோம். அத்துடன் நாங்கள் பல்வேறு போட்டிகள் விளையாடி இருக்கிறோம் . நான் என் தலைமுறையில் விளையாடினேன். அநேகமாக நான் விளையாடியதைவிட அதிகமான போட்டிகள் விராட்கோலி விளையாடுவார். இப்போது நான் அவரை விட அதிகமாக விளையாடியுள்ளேன். எனினும் அவர் அதனை கடந்து விடுவார். அதுமட்டுமின்றி அவர் அபாரமானவர் ஆவார்” என்று கங்குலி தெரிவித்துள்ளார்.