சாலையில் சென்று கொண்டிருந்த வாகனத்தில் திடீரென்று தீ விபத்து ஏற்பட்டது பெரும் அதிர்ச்சியை ஏற்படுத்தியுள்ளது.
புதுச்சேரி மாநிலம் லாஸ்பேட்டை நாவர்குளம் ரத்னவேல் நகரை சேர்ந்த குல் என்பவர் காலாப்பட்டில் உள்ள தனியார் நிறுவனத்தில் பணியாற்றி வருகிறார். தனது உறவினரின் காரை வாங்கிக்கொண்டு தனது மகளுடன் கடைக்கு ஓட்டிச் சென்று கொண்டு இருந்தார். அப்போது திடீரென்று கார் எஞ்சினில் இருந்து புகை வர தொடங்கியது. இதனால் அச்சம் அடைந்த குல் அவரது மகளை அழைத்துக்கொண்டு காரில் இருந்து இறங்கி சிறிது தூரம் தள்ளிப்போய் நின்று கொண்டார்.
அடுத்த சில நிமிடங்களில் கார் திடீரென தீப்பற்றி எரிந்தது. இதுகுறித்து தகவல் அறிந்து வந்த தீயணைப்பு துறையினர் தீயை அணைத்தனர். இருப்பினும் கார் முழுமையாக எரிந்து நாசமானது. இதுகுறித்து வழக்கு பதிவு செய்த லாஸ்பேட்டை காவல்துறையினர் இந்த சம்பவம் எப்படி நடந்தது என்பது குறித்து தீவிர விசாரணை நடத்தி வருகின்றனர். மேலும் தீ பிடிப்பதற்கு சில நிமிடங்களுக்கு முன்பு தந்தையும் மகளும் கீழே இறங்கிய காரணத்தினால் அதிர்ஷ்டவசமாக உயிர் தப்பினர்.