விஜய் கோபிநாத் இயக்கத்தில் கடந்த 2019 ஆம் வருடம் வெளியான படம் ஜீவி குறைந்த பட்ஜெட்டில் எடுக்கப்பட்ட இந்த படத்திற்கு விமர்சன ரீதியாக அமோக வரவேற்பு கிடைத்திருக்கின்றது. இந்த படத்தில் ஹீரோவாக நடித்திருந்த வெற்றியின் நடிப்பு அனைவரின் பாராட்டுக்கள் பெற்று சர்வதேச பட விழாக்களிலும் இந்த படத்திற்கு விருதுகள் கிடைத்துள்ளது. இந்த படத்தின் வெற்றியை தொடர்ந்து ஜீவி படத்தின் இரண்டாம் பாகத்தின் அறிவிப்பு வெளியாகி பூஜையுடன் படப்பிடிப்பு தொடங்கியுள்ளது.
நடிகர் வெற்றி இயக்குனர் விஜே கோபிநாத், இசையமைப்பாளர் சுந்தரமூர்த்தி, நடிகர்கள் கருணாகரன், ரோகிணி, மைம் கோபி என முதல் பாகத்தில் பணியாற்றிய அதே கூட்டணியுடன் ஜீவி இரண்டாம் பாகம் தொடங்கியுள்ளது. இந்த படத்தை மாநாடு படத்தின் தயாரிப்பாளர் சுரேஷ் காமாட்சி தனது வி ஹவுஸ் ப்ரொடக்சன் சார்பில் தயாரித்திருக்கின்றார். இந்த படத்தின் டீசர் அண்மையில் வெளியாகி வைரலாகியுள்ளது. இந்த நிலையில் ஜிவி 2 ம் பாகத்தின் டிரைலர் வெளியாகி இருக்கிறது. இதனை நடிகர் எஸ் ஜே சூர்யா தனது சமூக வலைதள பக்கத்தில் வெளியிட்டு இருக்கிறார். அதில் என்ன தலைவரே திரும்பவும் லூப்பா ஆனா இது வேற மாதிரி இருக்கே என குறிப்பிட்டு இருக்கின்றார். இந்த படம் விரைவில் ஆஹா ஓ டி டி தளத்தில் வெளியாக இருப்பது குறிப்பிடத்தக்கதாகும்.