“என் வாழ்க்கையில் ஒரு புதிய அத்தியாயம்”… தெலுங்கில் புகழின் உச்சத்தை நோக்கி வரலட்சுமி…!!!

தெலுங்கு சினிமாவில் முன்னணி நடிகையாக முன்னேறிக் கொண்டிருக்கும் வரலட்சுமி தற்போது ஹைதராபாத்தில் வீடு எடுத்து தங்க உள்ளாராம்.

வரலட்சுமி சரத்குமார் தமிழ் சினிமா உலகில் மிகவும் பிரபல நடிகையாக வலம் வருகின்றார். இவர் தற்போது தெலுங்கிலும் மிகவும் பிரபலமாக உள்ளார். தமிழில் இவருக்கு கைவசம் நிறைய படங்கள் உள்ளது. அதுபோல தற்போது தெலுங்கிலும் இவர் கைவசம் நிறைய படங்கள் உள்ளது. தெலுங்கில் இவர் நடித்த “கிராக்”, “நந்தி” உள்ளிட்ட இரண்டு திரைப்படங்களும் ரசிகர்களிடையே நல்ல வரவேற்பு பெற்று ஹிட்டாகியுள்ளது.

இந்நிலையில் வரலட்சுமி சரத்குமார் தெலுங்கில் அடுத்தடுத்து படங்களில் நடிக்க ஒப்புக் கொண்டுள்ளார். இவர் தற்போது சென்னையை விட ஹைதராபாத்தில் தான் அதிகம் உள்ளார். சென்னைக்கும் ஹைதராபாத்துக்கும் மாறிமாறி சென்று கொண்டிருக்கிறார். இவர் ஹைதராபாத்தில் ஹோட்டலில் தங்கி கொண்டு இருப்பதால் தற்போது ஹைதராபாத்தில் வீடு ஒன்றை எடுத்து தங்க உள்ளாராம். இதுகுறித்து வரலட்சுமி கூறியுள்ளதாவது, “இது என் வாழ்க்கையில் ஒரு புதிய அத்தியாயம், நான் ஹைதராபாத்தில் வசிக்கப் போகிறேன்” என கூறியுள்ளார்.