நடிகர் சிவகார்த்திகேயன் பெரிய தோட்டத்தை உருவாக்க ஆசைப்படுவதாக தனது சமூக வலைதளப் பக்கத்தில் தெரிவித்துள்ளார்.
தமிழ் திரையுலகில் முன்னணி கதாநாயகனாக வலம் வரும் சிவகார்த்திகேயனுக்கு ஏராளமான ரசிகர்கள் உள்ளனர். இவர் நடிப்பில் உருவாகியுள்ள அயலான், டாக்டர் ஆகிய திரைப்படங்கள் ரிலீசுக்கு தயாராகி வருகிறது. தற்போது இவர் இயக்குனர் சிபி சக்கரவர்த்தி இயக்கத்தில் உருவாகி வரும் டான் படத்தில் நடித்து வருகிறார். இதன்பின் நடிகர் சிவகார்த்திகேயன் தொடர்ந்து சன் பிக்சர்ஸ் நிறுவனம் தயாரிக்கும் 5 படங்களில் நடிக்க இருக்கிறார் என்பது குறிப்பிடத்தக்கது.
இந்நிலையில் நடிகர் சிவகார்த்திகேயன் தனது சமூக வலைதளப் பக்கத்தில் ‘என் வீட்டு தோட்டத்தில்’ என பதிவிட்டு சில புகைப்படங்களை வெளியிட்டுள்ளார். அதில் ஊரடங்கில் இந்த தோட்டத்தை உருவாக்கி இருப்பதாகவும், இன்னும் பெரிய தோட்டத்தை உருவாக்க வேண்டும் என்பது தான் தனது மிகப் பெரிய ஆசை என்றும் அவர் தெரிவித்துள்ளார். தற்போது இந்த புகைப்படங்கள் இணையத்தில் வைரலாகி வருகிறது.