தமிழகத்தின் முன்னாள் முதல்வர் ஜெயலலிதாவின் அண்ணன் மகள் தீபா, தனது உயிருக்கு ஆபத்து உள்ளது என ஆடியோ ஒன்றை வெளியிட்டுள்ளார்.
தமிழகத்தின் முன்னாள் முதல்வர் ஜெயலலிதாவின் அண்ணன் மகள் ஜெ.தீபா. அவர் இன்று ஒரு ஆடியோ பதிவை வெளியிட்டுள்ளார். பதில், “கடந்த மூன்று ஆண்டுகளாக தொலைபேசி மூலமாக எனக்கு மிரட்டல் வருகிறது. இரவு பகல் என்று பாராமல் தொடர்ந்து தொலைபேசி மூலம் எனக்கு தொந்தரவு கொடுக்கிறார்கள். ரவுடிகள் வீட்டுக்குள் நுழைவதற்கு முயற்சி செய்கிறார்கள்.
என்னுடைய முன்னாள் உதவியாளர் ராஜா, நாங்கள் செல்கின்ற இடத்திற்கு எல்லாம் தொடர்ந்து வருவதால் எனக்கு பயமாக இருக்கிறது. நான் கால்கள் நடக்க முடியாத நிலையில் சிகிச்சை பெற்று வருகிறேன். அதனால் இந்த ஆடியோவை புகாராக கொண்டு காவல் ஆணையர் நடவடிக்கை எடுக்க வேண்டும்” என்று அவர் கூறியுள்ளார்.