மற்ற நாடுகளை ஒப்பிடும்போது இந்தியாவில் பெட்ரோல், டீசல் விலை அதிகரிப்பு கட்டுக்குள் இருப்பதாக த.மா.கா தலைவர் ஜி.கே.வாசன் தெரிவித்துள்ளார். திருவள்ளூர் மாவட்டத்திலுள்ள கும்மிடிப்பூண்டியில் செய்தியாளர்களை சந்தித்த அவர், எரிப்பொருள் விலை உயர்வு சர்வதேச பிரச்சினை என்று தெரிவித்தார். இது தொடர்பாக அவர் கூறியிருப்பதாவது “பெட்ரோல், டீசல் விலை உயர்வு காரணமாக மக்களுக்கு பாதிப்பு இருக்கிறது என்பதில் யாருக்கும் மாற்று கருத்து இருக்க முடியாது.
இப்பிரச்சினை இன்றைக்கு இந்திய அளவிலே மட்டுமின்றி சர்வதேச அளவில் உள்ளது. ஈரான், உக்ரைன் போரின் அடிப்படையிலே இப்பிரச்சினை தொடங்கி பெட்ரோல், டீசல் விலை கிடுகிடுவென்று உயர்ந்து கொண்டிருக்கிறது. பல்வேறு நாடுகளை ஒப்பிட்டு பார்க்கும்போது பெட்ரோல், டீசல் விலை இந்தியாவிலே ஓரளவுக்கு கட்டுக்குள் இருக்கிறது” என்று அவர் கூறினார்.