கிருஷ்ணகிரி அருகே காலில் எலும்பு முறிவு ஏற்பட்ட ஒற்றை ஆண் யானைக்கு கிராம மக்கள் உணவு, குடிநீர் வழங்கி பராமரித்து வந்தனர்.
16 வயது மதிக்கத்தக்க ஆண் யானை ஒன்று கடந்த 10 தினங்களுக்கு முன்பு தர்மபுரி மாவட்டம் காரியமங்கலம் அருகே உள்ள விவசாய கிணற்றில் தவறி விழுந்ததில் பலத்த காயம் ஏற்பட்டது. யானையை கிணற்றிலிருந்து மீட்டு வனத்துறையினர் யானைக்கு முதலுதவி சிகிச்சை அளித்து அதனை வனத்திற்குள் விட்டனர்.
காயம் முழுவதாக குணமடையாத நிலையில் மீண்டும் வனத்தை விட்டு வெளியேறிய யானை கிருஷ்ணகிரி மாவட்டம் துடுகனஹள்ளி பகுதிக்குள் தஞ்சம் அடைந்தது. யானையில் உடல்நிலை மோசமடைந்துள்ளதை கண்ட அப்பகுதி மக்கள் கடந்த 4 நாட்களாக யானைக்கு தொட்டி அமைத்து தண்ணீர் நிரப்பி வைத்தனர். மேலும் வாழைப்பழங்கள், தழைகள் உள்ளிட்டவையும் அளித்து வருகின்றனர். இது பற்றிய தகவல் அறிந்த வனத்துறையினர் அங்கு விரைந்துள்ளனர்.