தல அஜித் நடிக்கும் வலிமை படத்தின் டிரைலர்கள் குறித்த தகவல்கள் வெளியாகியுள்ளது.
எச்.வினோத் இயக்கத்தில் உருவாகியிருக்கும் படம் வலிமை இப்படத்தில் நடிகர் அஜித் நடித்துள்ளார். இப்படத்தை ரசிகர்கள் பெருமளவில் எதிர்பார்த்த நிலையில் தற்போது பல தடைகளை தாண்டி விரைவில் வெளியாக உள்ளது. மேலும் இப்படம் பிப்ரவரி 24-ஆம் தேதி தமிழ், தெலுங்கு, ஹிந்தி, கன்னடம் உள்ளிட்ட மொழிகளில் வெளியாக உள்ளது. கடந்த மாதம் வலிமை படத்தின் டிரைலர் வெளியாகி ரசிகர்கள் மத்தியில் பெரும் வரவேற்பை பெற்றது.
இந்தப்படத்தின் மற்ற மொழி டிரைலர்கள் குறித்த தகவல்கள் வெளியாகியுள்ளது. இதனைத் தொடர்ந்து வலிமை திரைப்படத்தின் ஹிந்தி ட்ரெய்லரை அஜய் தேவ்கன், தெலுங்கு ட்ரெய்லரை மகேஷ்பாபு மற்றும் கன்னட ட்ரெய்லரை கிச்சா சுதீப் உள்ளிட்ட முன்னணி நடிகர்கள் 6.30 மணிக்கு வெளியிடவுள்ளனர். இதன் அறிவிப்பு போஸ்டர்களை போனிகபூர் வெளியிட்டுள்ளார் என்பது குறிப்பிடத்தக்கது.