“ஏகே 62” திரைப்படத்திற்கு அஜித்திடம் எவ்வாறு கதைசொல்லி விக்னேஷ் சிவன் ஒப்புக்கொள்ள வைத்தார் என்ற தகவல் வெளியாகி உள்ளது.
தமிழ் சினிமா உலகில் உச்ச நட்சத்திரமாக வலம் வரும் அஜித் அவர்களின் வலிமை திரைப்படம் அண்மையில் வெளியானது. இதை தொடர்ந்து தற்போது அஜித்தின் அடுத்த திரைப்படம் குறித்து தகவல் வெளியாகியுள்ளது. அஜித்தின் 62வது திரைப்படத்தை விக்னேஷ் சிவன் இயக்குவதாகவும் நயன்தாரா ஹீரோயினாக நடிப்பதாகவும் மேலும் லைகா நிறுவனம் தயாரிப்பதாகவும் தகவல் வெளியாகின.
விக்னேஷ் சிவன் இயக்குனராக மட்டுமல்லாமல் பாடலாசிரியராகவும் இருக்கின்றார். இவர் அஜித்தின் வலிமை படத்தில் அம்மா பாடலை எழுதியிருந்தார். இந்த பாடல் அஜித்தை மிகவும் கவர்ந்துள்ளதாம். மேலும் இரண்டு வருடங்களுக்கு முன்பாக நயன்தாரா, விக்னேஷ் சிவனை அஜித்துக்கு அறிமுகம் செய்து வைத்தாராம். இக்காரணங்களால் அஜித்திடம் விக்னேஷ் சிவன் நெருக்கமாகி இந்த படத்தின் கதையை கூறி அஜித்தை சம்மதிக்க வைத்துள்ளார்.