“ஏழை மக்களின் வாழ்வில் மாற்றத்தை கொண்டு வந்தவர்…!!” எம்.ஜி.ஆர் குறித்து பிரதமர் ட்விட்….!!

முன்னாள் முதல்வர் எம்ஜிஆர் அவர்களின் பிறந்த நாளை முன்னிட்டு பிரதமர் மோடி அவரை நினைவு கூர்ந்துள்ளார்.

முன்னாள் முதலமைச்சர் பாரத ரத்னா எம்ஜிஆர் அவர்களின் 150வது பிறந்த நாளை முன்னிட்டு சென்னை எம்ஜிஆர் பல்கலைக்கழகத்தில் உள்ள அவரது முழு திருவுருவச்சிலைக்கு தமிழக அரசு சார்பில் அமைச்சர் பெருமக்கள் மற்றும் அதிகாரிகள் மலர்மாலை அணிவித்தனர். எம்ஜிஆர் அவர்களின் பிறந்தநாளை முன்னிட்டு அரசியல் தலைவர்கள் உட்பட பலர் அவருடைய நினைவுகளை தங்கள் ட்விட்டர் பக்கத்தில்  பதிவிட்டு வருகின்றனர்.

இந்நிலையில் எம்ஜிஆர் பிறந்த நாளை முன்னிட்டு பிரதமர் மோடி தனது ட்விட்டர் பக்கத்தில் கூறியிருப்பதாவது,”  பாரத ரத்னா எம்.ஜி.ஆரை அவரது பிறந்தநாளில் நினைவு கூர்கிறேன். சமூகநீதி, அதிகாரமளித்தல் ஆகியவற்றில் முதன்மையான சிறந்த தலைவராக அவர் பரவலாகப் போற்றப்படுகிறார். அவரது திட்டங்கள் ஏழைகளின் வாழ்வில் பெரும் மாற்றத்தை கொண்டு வந்தன.அவரது திரையுலக பெருந்திறனும் அனைவராலும் போற்றப்படுகிறது!”