அப்துல் கலாமின் பிறந்த நாளை முன்னிட்டு பிரதமர் மோடி “இந்தியாவை வலிமையாகவும் வளமாகவும் மாற்றுவதற்காக தனது வாழ்க்கையையே அர்ப்பணித்தவர் கலாம்” என புகழாரம் சூட்டியுள்ளார்.
இன்று மறைந்த முன்னாள் ஜனாதிபதி அப்துல்கலாம் அவர்களின் 90ஆவது பிறந்த தினமாகும். எனவே அவருடைய பிறந்தநாளை முன்னிட்டு அவருடைய சொந்த ஊரான ராமேஸ்வரம் பேக்கரும்பில் அமைக்கப்பட்டுள்ள கலாமின் நினைவிடத்தில் வண்ண விளக்குகளாலும் மலர்களாலும் அலங்காரம் செய்யப்பட்டுள்ளது. இதனை தொடர்ந்து அப்துல் கலாமின் பிறந்த நாளை முன்னிட்டு பிரதமர் மோடி அவருக்கு புகழ் அஞ்சலி செலுத்தினார்.
இதற்காக தன்னுடைய ட்விட்டர் பக்கத்தில் கூறியிருப்பதாவது,”முன்னாள் ஜனாதிபதி ஏபிஜே அப்துல் கலாம் அவர்கள் ஏவுகணையின் நாயகன் என்பது எல்லோரும் அறிந்த ஒன்றே. இந்தியாவை வலிமையானதாகவும் பலமானதாகவும் மாற்றுவதற்காக அவர் தன் வாழ்க்கையை அர்ப்பணித்தார். அப்துல்கலாம் எப்போதும் நாட்டுக்காகவே உழைத்தார். நாட்டுக்காகவே உத்வேகமாக இருக்கிறார்” என பதிவிட்டுள்ளார்.