ஏ.சி. பொருத்தும் பணி…. மாடியிலிருந்து கீழே விழுந்த வாலிபர்…. சோகத்தில் குடும்பத்தினர்…!!

4-ஆவது மாடியிலிருந்து கீழே விழுந்த வாலிபர் உயிரிழந்த சம்பவம் சோகத்தை ஏற்படுத்தியுள்ளது.

சிவகங்கை மாவட்டத்திலுள்ள பூம்பிடாகை திருபுவனம் பகுதியில் வெங்கடேசன் என்பவர் வசித்து வருகிறார். இவருக்கு சூர்யா என்ற மகன் இருந்துள்ளார். இவர் வேளாங்கண்ணி அருகே உள்ள ஓரத்தூரில் கட்டப்பட்டுள்ள அரசு மருத்துவ கல்லூரி மருத்துவமனையின் 4-ஆவது மாடியில் ஏ.சி. பொருத்தும் பணியில் ஈடுபட்டிருந்தார். அப்போது திடீரென அவர் தடுமாறி 4-ஆவது மாடியிலிருந்து கீழே விழுந்துவிட்டார்.

இதனால் படுகாயமடைந்த சூர்யாவை அக்கம்பக்கத்தினர் மீட்டு சிகிச்சைக்காக அரசு மருத்துவமனைக்கு கொண்டு சென்றனர். அங்கு சிகிச்சை பலனின்றி சூர்யா பரிதாபமாக உயிரிழந்துவிட்டார். இதுகுறித்து வழக்கு பதிந்த காவல்துறையினர் தீவிர விசாரணை மேற்கொண்டு வருகின்றனர்.