ஐசிசி உலக டெஸ்ட் தொடரில் இந்திய அணி ஆஸ்திரேலியாவை வெற்றி பெற்று இரண்டாவது இடத்திற்கு முன்னேறியுள்ளது.
இந்திய அணி ஆஸ்திரேலியாவுக்கு எதிரான டெஸ்ட் தொடரில் 2-1 என்ற கணக்கில் வெற்றி பெற்றுள்ளது. மேலும் தற்போது வரை ஆஸ்திரேலிய அணியானது 33 வருடங்களாக கப்பா மைதானத்தில் தோல்வியை தழுவியது இல்லை என்று சாதனையை தக்க வைத்திருந்தது. இந்த வெற்றியின் மூலம் இந்திய அணி ஆஸ்திரேலியாவின் இந்த சாதனையை தகர்த்துள்ளது. மேலும் இந்த வரலாற்றுச் சாதனையின் மூலமாக இந்திய அணி ஐசிசி உலக டெஸ்ட் சாம்பியன்ஷிப் புள்ளி பட்டியலில் 117.65 புள்ளிகள் பெற்றுள்ளது.
இதன் மூலம் இந்திய அணியானது மூன்றாம் இடத்திலிருந்து 2-வது இடத்திற்கு முன்னேறியுள்ளது. மேலும் நியூசிலாந்து அணி 118.44 என்ற புள்ளிகளுடன் முதலிடம் வகிக்கிறது. மேலும் இத்தொடரில் பெரும் தோல்வியை தழுவிய ஆஸ்திரேலிய அணி 113 புள்ளிகளுடன் 3வது இடத்திற்கு சென்றுள்ளது. மேலும் இந்திய அணியின் இந்த வெற்றிக்கு முன்னாள் இந்திய வீரர்களும், சினிமா பிரபலங்கள் மற்றும் கிரிக்கெட் ரசிகர்கள் பலரும் தங்களது பாராட்டுக்களை தெரிவித்து வருகின்றனர்.