ஐபிஎல் 2020 சீசன் கொரோனா வைரஸ் அச்சுறுத்தலால் காலவரையறை இல்லாமல் ஒத்திவைக்கப்பட்டுள்ளது.
இந்நிலையில் இதுபற்றி ஜான்டி ரோட்ஸ் ஐபிஎல் இல்லாத இந்த ஆண்டை கடந்து செல்வதை நினைக்கவே மிகவும் கடினமாக உள்ளது என தெரிவித்தார். மேலும் அவர் கூறியதாவது 2008 ஆம் ஆண்டிலிருந்து கிரிக்கெட் அட்டவணையில் ஐபிஎல் போட்டி ஒரு அங்கமாக இருந்து வருகிறது. இத்தகைய மிகப்பெரிய தொடக்க ஆண்டிலிருந்து ஒவ்வொரு வருடமும் போட்டியை சிறப்பாக நடத்த பிசிசிஐ முயற்சிகள் மேற்கொண்டு வருகின்றன.
ஐபிஎல் போட்டி, நிதி மற்றும் எதிர்கால கிரிக்கெட் வீரர்களுக்கும் மிகவும் முக்கியமான ஒன்றாகும். உலகின் சிறந்த வீரர்கள் எல்லாம் இந்த தொடரில் விளையாடுகிறார்கள். இதனால் ஐபிஎல் இல்லாமல் செல்வதை நினைத்து பார்ப்பது என்பது கடினமான ஒன்றாக உள்ளது. என்னைப்பொருத்தவரை ஐபிஎல் இல்லாத கிரிக்கெட் அட்டவணை அர்த்தம் இல்லாதது என்றும் அவர் கூறியுள்ளார்.