மூன்று மாதங்களுக்கு முன்பு இறந்ததாக அடக்கம் செய்யப்பட்ட நபர் மீண்டும் உயிருடன் வந்ததால் பெரும் பரபரப்பு ஏற்பட்டது.
கர்நாடக மாநிலம், தும்கூர் மாவட்டத்தை சேர்ந்த சிறிய கிராமம் சிக்கமாலூர். இந்த கிராமத்தை சேர்ந்த நாகராஜப்பா கூலி வேலை செய்து வருகிறார். இவர் தொடர்ந்து மதுக்கு அடிமையானதால் கடந்த மூன்று மாதங்களுக்கு முன்பிருந்தே அவரை காணவில்லை. பின்னர் உறவினர்களும், அவரது குடும்பத்தினரும் பல இடங்களில் தேடினர். தேடுதலுக்குப் பின் நாகராஜப்பா ஒரு புதர் பகுதியில் இறந்து கிடப்பதாக தகவல் கிடைத்தது. அதனை தொடர்ந்து அவருடைய மகள் நேத்ரா காவல்துறைக்கு தகவல் தெரிவித்து அவரை மீட்டு உடற்கூறு ஆய்விற்கு அனுப்பி வைத்து பின்னர் உறவினர்கள் முன்னிலையில் உடலை நல்லடக்கம் செய்தனர்.
மேலும் அவர் இறந்ததற்கான சான்றிதழும் வழங்கப்பட்டது. இந்த நிலையில் மூன்று மாதங்கள் கழித்து திடீரென சொந்த ஊருக்கு நாகராஜப்பா திரும்பியுள்ளார். முதலில் அவரை பார்த்த மக்கள் அனைவரும் பேய் என நினைத்து ஓட்டம் பிடித்தனர். நாகராஜப்பா சொந்த வீட்டுக்கு சென்றபோது அவரது புகைப்படத்திற்கு மாலை அணிவிக்கப்பட்டது கண்டு பெரும் அதிர்ச்சி அடைந்தார். இதுதொடர்பாக விசாரணை செய்தபோது அவர் மதுபோதையில் பல்வேறு இடங்களில் சுற்றித் இருந்ததாகவும், இந்த சம்பவத்தில் நாகராஜப்பா என்று உடற்கூறு ஆய்வு செய்யப்பட்டு, புதைக்கப்பட்டவர் யார் என்று குழப்பத்தில் அதிகாரிகள் உள்ளனர்.