இந்தியாவில் கொரோனாவிற்கு எதிராக நடந்து கொண்டிருக்கும் போரில் நாம் அனைவரும் ஒன்றாக இணைந்து செயல்படுவோம் என்று பிரதமர் மோடி நாட்டு மக்களுக்கு வேண்டுகோள் விடுத்துள்ளார்.
இந்தியாவில் கொரோனாவிற்கு எதிராக தீவிர பாதுகாப்புகளை ஏற்படுத்தி போராட அனைவரும் ஒன்றிணைய வேண்டும் என பிரதமர் மோடி நாட்டு மக்களுக்கு அழைப்பு விடுத்துள்ளார். இது குறித்து அவர் வெளியிட்டுள்ள டுவிட்டர் பதிவில், “கொரோனாவிற்கு எதிரான போர் மக்களை சார்ந்தது. கொரோனாவிற்கு எதிராக போராடிக் கொண்டிருக்கும் சுகாதார பணியாளர்கள் அனைவராலும் மக்கள் பலம் பெறுகிறார்கள். கொரோனாவிடமிருந்து நம் குடிமக்களை பாதுகாக்கும் பணியை நாம் தொடர வேண்டும்.
நமது கூட்டு முயற்சி பல உயிர்களை காப்பாற்றி உள்ளது.கொரோனாவிற்கு எதிரான போரில் நாம் அனைவரும் ஒன்றாக இணைந்து போராட வேண்டும். எப்போதும் நீங்கள் நினைவில் கொள்ளுங்கள். முகக் கவசம் கட்டாயம் அணிய வேண்டும். கைகளைக் கழுவிக் கொள்ளுங்கள். தனிமனித இடைவெளியை கடைபிடியுங்கள். ஒன்றிணைந்து வெற்றி பெறுவோம். ஒன்றிணைவோம், கொரோனாவுக்கு எதிராக நாம் வெற்றி பெறுவோம்”என்று அவர் கூறியுள்ளார்.