தென் ஆப்பிரிக்காவில் முதன் முறையாக கண்டறியப்பட்ட கொரோனாவில் இருந்து உருமாறிய ஒமிக்ரான் பல்வேறு நாடுகளை அச்சுறுத்தி வருகிறது. இதன் காரணமாக பல்வேறு மாநிலங்கள் கட்டுப்பாடுகளை விதித்து வருகிறது. இந்நிலையில் ஒமிக்ரான் பாதிப்பு காரணமாக உலகம் முழுவதிலும் சுமார் 2,800-க்கும் மேற்பட்ட விமானங்கள் ரத்து செய்யப்பட்டுள்ளன.
மேலும் கிட்டத்தட்ட 12,000 விமானங்கள் தாமதமாகி உள்ளது. கொரோனா பாதிப்பினால் உலகம் முழுவதிலும் உள்ள பல்வேறு விமான நிலையங்களில் பணியாளர்களுக்கு பணிச்சுமை அதிகரித்துள்ள காரணத்தால் விமானங்கள் ரத்து செய்யப்படுகிறது.
இது தொடர்பாக ஜெட் புளு விமான நிறுவனம் தெரிவித்துள்ளதாவது, ஜனவரி 2 ஆம் தேதிக்கு முன்னர் பயணிகள் மேற்கொள்ள இருக்கும் அத்தியாவசிய பயணங்களை தவிர்க்குமாறு கேட்டு கொள்கிறோம். இனி வரும் நாள்களில் அமெரிக்காவில் தொற்று பாதிப்பு எண்ணிக்கை அதிகரிக்கும் என்று அதில் தெரிவிக்கப்பட்டுள்ளது.