பிரதமர் மோடியின் ஐக்கிய அரபு அமீரக பயணம் ஒத்திவைக்கப்பட்டுள்ளது.
சர்வதேச அளவில் கொரோனா தொற்று பரவி வந்ததால் கடந்த 2020ஆம் ஆண்டு முதல் விமான சேவைகள் ரத்து செய்யப்பட்டது. கொரோனா அச்சம் காரணமாக பிரதமர் மோடியின் வெளிநாட்டு பயணங்கள் அனைத்தும் ஒத்திவைக்கப்பட்டன. இதனிடையே செப்டம்பர் மாதம் அமெரிக்கா சென்ற பிரதமர் நரேந்திர மோடி அந்நாட்டு அதிபர் ஜோ பைடனை சந்தித்துப் பேசினார். இதற்குப் பின் இத்தாலி சென்று போப் ஆண்டவரை சந்தித்தார். ஸ்காட்லாந்துக்குச் சென்ற பிரதமர் மோடிகிளாஸ்கோ மாநாட்டிலும் கலந்து கொண்டார்.
அடுத்த ஆண்டில் முதல் பயணமாக ஐக்கிய அரபு அமீரகத்தில் உள்ள துபாய் நகரத்தை சுற்றுப்பயணம் மேற்கொள்ள உள்ளார். ஜனவரி மாதம் ஆறாம் தேதி துபாய் எக்ஸ்போவில் கலந்து கொள்ளும் வகையில் அவரது பயணம் திட்டமிடப்பட்டிருந்தது. இந்நிலையில் ஒமைக்ரான் பரவல் காரணமாக பிரதமர் மோடியின் அமீரக பயணம் ஒத்தி வைக்கப்பட்டுள்ளதாக தகவல் வெளியாகி உள்ளது.