நடிகர் ரஜினியுடன் தெலுங்கு நடிகர் மோகன்பாபு மற்றும் அவரது மகன் விஷ்ணு மஞ்சு இருவரும் எடுத்துக்கொண்ட புகைப்படங்கள் வெளியாகியுள்ளது.
தமிழ் திரையுலகில் சூப்பர் ஸ்டாராக வலம் வரும் ரஜினிக்கு ஏராளமான ரசிகர்கள் உள்ளனர். தற்போது இவர் நடிப்பில் இயக்குனர் சிவா இயக்கத்தில் ‘அண்ணாத்த’ படம் உருவாகி வருகிறது. இந்த படத்தில் நயன்தாரா, கீர்த்தி சுரேஷ், குஷ்பூ, மீனா, சூரி, சதீஷ், ஜெகபதிபாபு உள்ளிட்ட பலர் முக்கிய கதாபாத்திரத்தில் நடிக்கின்றனர். மேலும் இந்த படம் வருகிற தீபாவளி தினத்தில் வெளியாகவுள்ளது. இந்நிலையில் நடிகர் ரஜினியுடன் பிரபல தெலுங்கு நடிகர் மோகன் பாபு எடுத்துக்கொண்ட புகைப்படங்கள் வெளியாகியுள்ளது.
The OGs. Original Gangsters! @rajinikanth @themohanbabu and then goofy Vishnu Manchu pic.twitter.com/2eUoaKDo5Q
— Vishnu Manchu (@iVishnuManchu) May 21, 2021
இந்த புகைப்படங்களை நடிகர் மோகன் பாபுவின் மகன் விஷ்ணு மஞ்சு தனது சமூக வலைதளப் பக்கத்தில் வெளியிட்டு ‘ஒரிஜினல் கேங்ஸ்டர்ஸ்’ என பதிவிட்டுள்ளார். தற்போது இந்த புகைப்படங்கள் இணையத்தில் வைரலாகி வருகிறது . நடிகர் ரஜினி மற்றும் நடிகர் மோகன்பாபு இருவரும் நெருங்கிய நண்பர்கள் என்பது குறிப்பிடத்தக்கது. மேலும் ரஜினி, மோகன் பாபு இருவரும் கர்ஜனை, தாய்மீது சத்தியம், அன்னை ஒரு ஆலயம் உள்ளிட்ட படங்களில் இணைந்து நடித்துள்ளனர்.