கர்நாடக மாநிலத்தில் கோவிலில் உடைத்த தேங்காயை 6.5 லட்சத்திற்கும் ஒருவர் ஏலத்தில் எடுத்த சம்பவம் பெரும் ஆச்சரியத்தை ஏற்படுத்தியுள்ளது.
கர்நாடக மாநிலம் பாகல்கோட்டை மாவட்டத்தை சேர்ந்த மகாவீரர் என்பவர் பல வியாபாரம் செய்து வருகிறார். இவருக்கு கடவுள் பக்தி அதிகம். இந்நிலையில் மேல்குண்டா, குல்பர்கா பகுதியில் உள்ள ஸ்ரீ மிலிங்கராயா கோவிலில் ஷரவனா திருவிழாவில் கடைசியாக உடைக்கப்படும் தேங்காயை ஏலம் விடுவது வழக்கம். இந்த தேங்காயை வாங்குபவர்களுக்கு அதிர்ஷ்டம் கூடிவரும் என்பது அவர்களின் நம்பிக்கை.
ஒவ்வொரு ஆண்டும் இந்த தேங்காய் ஏலம் விடப்படும். ஒவ்வொரு ஆண்டும் அதிகபட்சமாக 10 ஆயிரம் வரை விலை போகும். ஆனால் இந்த ஆண்டு ஏலம் தொடங்கிய சில நிமிடத்திலேயே விலை லட்சத்தை தாண்டியது. இதையடுத்து இறுதியாக மஹாவீர் ஹார்க்கே இந்த தேங்காயை 6.5 லட்சத்திற்கு ஏலத்தில் எடுத்தார். மேலும் இந்த பணத்தை கோவிலின் வளர்ச்சிக்கு செலவு செய்யப் போவதாக கோவில் நிர்வாகிகள் கூறியுள்ளனர்.