தமிழ் சினிமாவில் முன்னணி மற்றும் பிரபல நடிகர்களாக வலம் வருபவர்கள் அஜித் மற்றும் விஜய். அஜித் நடிக்க, வினோத் இயக்க உருவாகியுள்ள படம் வலிமை. இந்த படத்தை போனிகபூர் தயாரித்துள்ளார். யுவன் சங்கர் ராஜா இசையமைத்துள்ளார். வலிமை படத்திலிருந்து ஏற்கனவே 2 பாடல்கள் வெளியாகி உள்ளது. இந்த நிலையில் வரும் புத்தாண்டு அன்று இந்த படத்தின் டிரைலர் வெளியாகும் என தகவல்கள் கிடைத்துள்ளன.
அதேபோன்று இளையதளபதி விஜய் நடித்த பீஸ்ட் படம் வெளியாக உள்ளது. நெல்சன் திலீப் குமார் இயக்கத்தில் உருவான பீஸ்ட் படத்தை சன் பிக்சர்ஸ் நிறுவனம் தயாரித்துள்ளது. அனிருத் இசை அமைத்துள்ளார். இந்த படத்தின் ஃபர்ஸ்ட் சிங்கிள் ட்ராக் புத்தாண்டு அன்று வெளியாக உள்ளது என்றும் தகவல்கள் கிடைத்துள்ளன. எனவே புத்தாண்டு அன்று அஜித் மற்றும் விஜய் ரசிகர்களுக்கு இடையே கடுமையான போட்டி நிலவும் என்று எதிர்பார்க்கப்படுகிறது.