நடிகர் பார்த்திபன் இயக்கி வரும் ‘இரவின் நிழல்’ என்ற படத்தில் ஆஸ்கர் நாயகர்கள் இணைவதாக படக்குழுவினர் தெரிவித்துள்ளனர்.
நடிகர் பார்த்திபன் தமிழ்த் திரைப்பட நடிகரும் இயக்குனரும் ஆவார். இவர் நவம்பர் 14-ஆம் தேதி 1957-ஆம் ஆண்டு பிறந்தார். இவர் இயக்குனர் கே. பாக்கியராஜிடம் உதவி இயக்குனராகப் பணி புரிந்தவர். சிறந்த மாநில மொழித் திரைப்படத்திற்கான தேசிய விருதை பெற்ற புதிய பாதை என்ற படத்தின் மூலம் இயக்குனராக அறிமுகமானார் நடிகர் பார்த்திபன். இவர் இயக்கி நடித்த திரைப்படங்கள் புதிய பாதை, உள்ளே வெளியே, ஹவுஸ்ஃபுல், இவன், குடைக்குள் மழை, வித்தகன் போன்ற படங்கள். இவர் இயக்கிய ஒத்த செருப்பு அளவு 7 என்ற படத்திற்கு தேசிய விருது கிடைத்தது.
இந்த வெற்றிக்குப் பிறகு இயக்குனர் பார்த்திபன் இரவின் நிழல் என்ற படத்தை இயக்கி நடித்து வருகிறார். மேலும் ஏ.ஆர் ரகுமான் இப்படத்திற்கு இசையமைக்கிறார். இந்நிலையில் இப்படத்தை பற்றிய சுவாரஸ்யமான தகவல் ஒன்றை படக்குழுவினர் வெளியிட்டுள்ளனர். கன்னட மொழியில் 2014-ஆம் ஆண்டு வெளிவந்த ‘வ்ஹிப்லஸ்’ என்ற படத்தின் மூலம் சிறந்த சவுண்ட் டிசைனருக்கான ஆஸ்கர் விருதை பெற்ற கிரைக் மானும், அறிவியல் மற்றும் தொழில்நுட்பத்திற்கான கட்டா லங்கோ லியோனும் ஆஸ்கர் விருதை பெற்றவர்கள். தற்போது பார்த்திபன் இயக்கி வரும் இரவின் நிழல் படத்தில் இணைய உள்ளதாக தகவல் வெளியாகியுள்ளது. இந்நிலையில் ஏ.ஆர் ரஹ்மானுடன் இணைந்து ஆஸ்கர் நாயகர்கள் மூவரும் இப்படத்தில் இணைவதாக படக்குழுவினர் தெரிவித்துள்ளனர்.