ஒலிம்பிக் போட்டியில் பங்கேற்றுள்ள தமிழக வீரர்களை உற்சாகப்படுத்தும் வகையில் தமிழக அரசு பாடல் ஒன்றை வெளியிட்டுள்ளது.
ஜப்பானில் உள்ள டோக்கியோ ஒலிம்பிக் போட்டிகள் நடைபெற்று வருகின்றது. இதில் பங்கேற்ற தமிழக வீரர்களை உற்சாகப்படுத்தும் வகையில் வென்று வா வீரர்களே என்ற பாடலை முதலமைச்சர் மு க ஸ்டாலின் இன்று வெளியிட்டார். அப்போது “இந்த அரசு விளையாட்டு துறைக்கு ஊக்கமளிக்கும் அரசாக இருக்கும். இந்த அரசுக்கு ஊக்கமளிக்கும் வகையில் ஒலிம்பிக் போட்டியில் கலந்து கொள்ளும் நீங்கள் அனைவரும் பதக்கத்துடன் வரவேண்டும். அனைவரும் பதக்கம் பெற எனது நல்வாழ்த்துக்கள்” என்று அவர் கூறியுள்ளார்.
https://twitter.com/mkstalin/status/1419626463045640192
அதன் தொடர்ச்சியாக ஒலிம்பிக் போட்டியில் பங்கேற்கும் தமிழக வீரர்களை உற்சாகப்படுத்தும் வகையில் தமிழ்நாடு விளையாட்டு மேம்பாட்டு ஆணையத்தின் உதவியுடன் தமிழ்நாடு கூடைபந்து கழகத்தால் தயாரிக்கப்பட்டு, இசையமைப்பாளர் யுவன் சங்கர் ராஜா இந்த பாடலை பாடியுள்ளார். இந்த பாடல் தற்போது வெளியாகி உள்ளது. இந்த பாடல் வெளியீட்டு நிகழ்வின் போது பள்ளி கல்வித்துறை அமைச்சர் அன்பில் மகேஷ், விளையாட்டு மேம்பாட்டுத்துறை அமைச்சர் சிவ.வீ. மெய்யநாதன் மற்றும் சட்டமன்ற உறுப்பினர் உதயநிதி ஸ்டாலின், தலைமைச் செயலாளர் முனைவர் வெ. இறையன்பு உள்ளிட்ட அதிகாரிகள், கட்சி நிர்வாகிகள் உடனிருந்தனர்.