ஓடும் காரில் இருந்து இளம் பெண்ணின் சடலம் தூக்கி வீசப் படுவது போன்ற சிசிடி காட்சிகள் வெளியாகி பெரும் அதிர்ச்சியை ஏற்படுத்தியுள்ளது.
கோவை மாவட்டம் அவினாசி சாலையில் சின்னியம்பாளையம் பகுதியில் நேற்று அதிகாலை ஒரு பெண்ணின் சடலம் கிடப்பதாக தகவல் கிடைத்தது. தகவலின் பெயரில் சம்பவ இடத்திற்கு காவல்துறையினர் செல்வதற்கு முன்பாக பல வாகனங்கள் அந்த உடலின் மேல் ஏறியதால் அந்த உடல் உருக்குலைந்து போனது. சாலை விபத்தால் அந்த பெண் உயிரிழந்திருக்கலாம் என்று அவர்கள் எண்ணி இருந்தனர். இருப்பினும் சந்தேகத்தின் அடிப்படையில் வழக்கு பதிவு செய்து விசாரணை செய்தனர். பின்னர் அங்கு பொருத்தப்பட்டிருந்த சிசிடிவி கேமராவில் பதிவான காட்சிகளை பார்த்தபோது பெரும் அதிர்ச்சி ஏற்பட்டது.
அந்த சாலையில் அதிகாலை 5:45 மணியளவில் அந்தப் பகுதியில் கார் ஒன்று வேகமாக கடக்கும் பொழுது அந்த காரில் இருந்து ஒரு சடலம் சாலையில் விழும் காட்சி அதில் பதிவாகி இருந்தது. இதனால் அந்த பெண் கொலை செய்யப்பட்டு பின்னர் உடல் ரோட்டில் வீசப்பட்டு சென்றிருக்கலாம் என்று காவல்துறையினர் சந்தேகிக்கின்றனர். முதற்கட்ட விசாரணையில் அந்த பெண்ணிற்கு 45 வயது முதல் 50 வயது இருக்கலாம் என்றும் அவரது உடல் அரைநிர்வாணமாக இருந்ததும் கண்டுபிடிக்கப்பட்டது. பல வாகனங்கள் அந்த உடலின் மேல் ஏறி இறங்கியதால் முகம் மற்றும் தலை நசுக்கப்பட்டுள்ளது. அந்த பெண் யார் என்பது குறித்து அறியப்படவில்லை. இருப்பினும் காவல்துறையினர் வழக்கு பதிவு செய்து விசாரணை நடத்தி வருகின்றனர்.