ஓடும் பேருந்தில் திடீரென தீப்பிடித்து எரிந்த சம்பவம் பெரும் பரபரப்பை ஏற்படுத்தியுள்ளது.
தூத்துக்குடி மாவட்டத்தில் உள்ள திருச்செந்தூரில் உடன்குடி உள்ளது. இங்கிருந்து தனியார் ஆம்னி பேருந்து ஒன்று நேற்று இரவு கிளம்பியது. இப்பேருந்து கோவைக்கு சென்றது. இந்த பேருந்து தூத்துக்குடி டோல்கேட் பகுதிக்கு அருகில் சென்றது. அப்போது திடீரென பேருந்து தீப்பிடித்து எரிந்துள்ளது. இதைப்பார்த்து அதிர்ச்சியடைந்த பயணிகள் தீ விபத்து பற்றி ஓட்டுநரிடம் உடனடியாக தெரிவித்துள்ளனர். இதனையடுத்து ஓட்டுனர் பேருந்தை சாலையின் ஓரமாக நிறுத்தினார்.
அதன்பிறகு பேருந்தில் இருந்த பயணிகள் அனைவரும் அவசர அவசரமாக கீழே இறங்கினார். இதுகுறித்து தீயணைப்பு துறையினருக்கு தகவல் தெரிவிக்கப்பட்டது. ஆனால் தீயணைப்புத் துறையினர் வந்து தீயை அணைப்பதற்குள் பேருந்து முழுவதுமாக தீயில் எரிந்து சேதம் ஆகியது. இந்த தீ விபத்தில் பயணிகள் யாருக்கும் காயம் ஏற்படவில்லை. இது தொடர்பாக காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர். மேலும் பேருந்து தீப்பற்றி எரிந்த வீடியோவானது சமூக வலைதளங்களில் வைரல் ஆகி வருகிறது.