திருச்சி மாவட்டத்தில் உள்ள திருவெறும்பூர் பேருந்து நிறுத்தத்திலிருந்து 60 வயது மதிக்கத்தக்க முதியவர் அரசு பேருந்தில் பயணம் செய்துள்ளார். இந்நிலையில் பேருந்தில் இருந்த பள்ளி மாணவியிடம் முதியவர் சில்மிஷத்தில் ஈடுபட்டதாக கூறப்படுகிறது. இதனால் மாணவி சத்தம் போட்டதால் பேருந்தில் இருந்தவர்கள் அவரிடம் என்ன நடந்தது என கேட்டனர்.
அப்போது முதியவர் தன்னிடம் தவறாக நடக்க முயன்றதாக மாணவி தெரிவித்தார். இதனால் பயணிகள் முதியவரை பிடித்து சரமாரியாக அடித்து போலீசாரிடம் ஒப்படைத்தனர். இதுகுறித்து வழக்கு பதிந்த போலீசார் முதியவரை கைது செய்து விசாரணை நடத்தி வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.