திநகரில் உள்ள வாக்குச்சாவடியில் நடிகர் சிவகுமார், சூர்யா மற்றும் கார்த்தி ஆகியோர் வாக்களிக்க வருகை தந்துள்ளனர்.
தமிழகம் முழுவதும் 234 தொகுதிகளில் மொத்தம் 88,937 வாக்குச் சாவடிகளில் காலை 7 மணிக்கு வாக்குப்பதிவு தொடங்கியது. 234 தொகுதிகளிலும் 3998 வேட்பாளர்கள் தேர்தல் களத்தில் உள்ளனர். கொரோனா பாதுகாப்பு விதிமுறைகளை முறையாக கடைப்பிடித்து உங்களது ஜனநாயகக் கடமையை நிறைவேற்றுங்கள். மேலும் பூத் ஸ்லீப் இல்லாதவர்கள் வாக்காளர் பட்டியலில் பெயர் இருந்தாலே வாக்களிக்கலாம் என தேர்தல் ஆணையம் அறிவித்துள்ளது. அதுமட்டுமன்றி வாக்காளர் பட்டியலில் பெயர் இல்லாதவர்கள் வாக்களிக்க முடியாது.
இந்நிலையில் வாக்கு பதிவு தொடங்குவதற்கு இருபது நிமிடங்கள் முன்னரே தனது மனைவி ஷாலினியுடன் நடிகர் அஜித் வாக்களிப்பதற்காக சென்னை திருவான்மியூரில் உள்ள வாக்குச்சாவடிக்கு வந்தார். கொரோனா காலம் என்பதால் தன்னை காண கூட்டமாக கூடிய ரசிகர்களை வெளியே செல்ல அஜித் அறிவுறுத்தினார். அதன்பிறகு தனது மனைவியுடன் சென்று தனது வாக்கை பதிவு செய்தார். இதனையடுத்து தி கரில் உள்ள வாக்குச்சாவடியில் நடிகர் சிவகுமார், சூர்யா மற்றும் கார்த்தி ஆகியோர் வாக்களிக்க வருகை தந்துள்ளனர்.